2026-mi marsimi aalisakkat qaleruallillu tunisat

2026-mi marsimi tunisanut kisitsisit Naatsorsueqqissaartarfimmit matumuuna saqqummersinneqarput. Kisitsisaataasivimmi nalunaarsuutit atorlugit tabelimi kisitsisit takuneqarsinnaapput, kisitsisinilu aalisakkat pingasut ukiut kingulliit tallimat ingerlanerini qaammammi pineqartumi tunisat pineqarput. Eqqumaffigineqassaarli kisitsisit 2025-moortut aamma 2026-moortut suli kisitsisaagallartutut naatsorsuussaammata.

 

Tulaassineq tassaavoq pisanut atorneqartartoq, piffissamillu pisanik usingiaaviusumik takussutissiisoq, tunisinermili pisat pineqartut qaqugukkut naatsorsuusiorneqarsimaneri aamma tunisatut nalunaarsugaasimaneri uuttortarneqartarput.

 

Pisanut, tulaassinernut aamma tunisinernut piffissat assigiinngissinnaammata annertussusiisa allanngorarneri tulleriittuaannanngillat.

 

Taamaattumillu tunisineq aningaasaqarnikkut qanoq ingerlasoqarneranik takussutissiisarpoq, tulaassinerlu aalisarnerup ingerlanneqarnerani pissusiviusunut qaninnerulluni.

 

Saarulliit, qalerallit kinguppaallu tonsinngorlugit marsimi tunisat, aalisarfiit malillugit

Suussuseq

Aalisarfik

2022

2023

2024

2025

2026

Saarullik ...

Sinerissap qanittuani

          772

       1.665

       1.362

       1.585

       3.235

 

Avataasiorluni

          916

              -  

          703

       1.686

       1.421

 

katillugit

       1.688

       1.665

       2.065

       3.271

       4.656

Qaleralik ..

Sinerissap qanittuani

       5.386

       5.603

       4.324

       3.450

       3.060

 

Avataasiorluni

              -  

              -  

          202

       2.674

       1.751

 

katillugit

       5.386

       5.603

       4.526

       6.124

       4.811

Kinguppaat .

Sinerissap qanittuani

       4.937

       7.870

       6.065

       5.869

       5.851

 

Avataasiorluni

       5.599

       3.814

       2.545

       3.043

       2.857

 

katillugit

     10.536

     11.684

       8.610

       8.912

       8.708

Najoqqutaq: Naatsorsueqqissaartarfik – Kisitsisaataasivimmi kisitsisit takukkit:https://bank.stat.gl/FIN012

 

Saarullinnik tunisineq 2026-p tungaanut takuneqarsinnaasutut malunnartumik qaffassimavoq. Ukiuni kingullerni sinerissap qanittuani aalisarneq ineriartortitsingaatsiarsimalluni. Avataasiorlunilu aalisarnerminngaanneersut nikerarput. Ataatsimut isigalugu tunisinermi kisitsisit annertusisimapput.

 

Piffisap ingerlanerani sinerissap qanittuani aalisarnerminngaanneersut qalerallit annikilliartorput, 2024-miilli avataasiorluni aalisarnermi annertunerulersimmallutik. 2025-milu ataatsimut annertussusaannut tamanna kivitsivoq, 2026-mi appariaateqaqqinnerat sioqqullugu.

 

2023-mi kinguppaat tunisat annertunerpaasimapput tassanngaanniilli annikilleriarsimallutik. Ineriartornermi avataasiorluni aalisarnerminngaanneersut annertuumik appariartitsisimapput, sinerissalli qanittuani aalisarnerminngaanneersut aalaakkaanerulersimallutik.

 

Piffissami 2012-imiit 2026-mi marsi tikillugu tunisat annertussusaannnut naliginillu paasissutissat suussutsiunut, qaammatinut sumiiffinnullu immikkoortiterneqarsimasut Kisitsisaataasivimmmi nassaarineqarsinnaapput.

 

Saqqummersitsinissaq tulleq apriilimut tunngasoq ulloq 30. juuni 2026-mi saqqummissaaq.